رسالة MFG MODE في الطابعات
يعني إيه؟ وليه ظهرت؟ ونتعامل معاها إزاي؟
لو شغّلت الطابعة وظهرتلك رسالة MFG MODE على الشاشة أكيد اتفزعت أو افتكرت إن الطابعة بايظة لكن متقلقش في المقالة دي من Prink هنشرحلك ببساطة
إيه معنى الإنذار ده إمتى بيظهر هل ممكن تتجاهله؟
إزاي تتصرف؟
وإيه الحاجات اللي مينفعش تعملها خالص
أولاً: إيه هو MFG MODE؟
“MFG MODE” اختصار لـ Manufacturing Mode يعني وضع التصنيع
ده مود بيتم استخدامه داخل مصانع HP لاختبار مكونات الطابعة قبل ما تخرج للمستخدم يعني ببساطة الوضع ده المفروض مايبقاش مفعل عندك كمستخدم نهائي
ليه بيظهر عندك؟
السبب الأشهر:
الطابعة جديدة ولسه مخرجتش من وضع التصنيع تم عمل Reset للطابعة بطريقة خاطئة تحديث Firmware تم بشكل غير كامل أو غير رسمي خلل في السوفت وير الداخلي
هل الوضع ده خطر؟
نعم ولا
الطابعة ممكن تشتغل عادي في بعض الأحيان وهي في MFG MODE لكن… كتير من الخصائص هتكون مش شغالة الطباعة على الوجهين الاتصال بالواي فاي أو بعض الأوامر البرمجية ممكن تكون معطلة أي تحديث قادم ممكن يوقف الطابعة تمامًا
يعني ببساطة لا تعتمد على الطابعة في الوضع ده
إزاي تتعامل مع المشكلة؟
أولاً: الحاجات اللي ممكن تتعمل✅
- Restart: جرب تطفي الطابعة وتفصل الكهرباء عنها تمامًا لمدة دقيقة وبعدين شغلها تاني
- تحديث Firmware رسمي: من موقع HP
- إعادة ضبط مصنع رسمي (Factory Reset): من خلال إعدادات الطابعة
- التواصل مع الدعم الفني أو مركز معتمد زينا في Prink
ثانياً: الحاجات اللي مينفعش تتعمل❌
- متجربش كودات برمجة من الإنترنت متلعبش في الـ Service Mode
- من غير خبرة متسطبش Firmware معدل أو غير رسمي
- متحاولش تفتح الطابعة من جوه علشان تشيل الرسالة
لان ده ممكن:
يبطل الضمان ويبهدل السوفت وير يعطل طابعتك تمامًا
خلاصة Prink
لو ظهرتلك رسالة MFG MODE:
حاول تعمل ريستارت لو استمرت المشكلة
متشتغلش على الطابعة كده اتجه فورًا لمتخصص
أو تواصل معانا في Prink
لأننا نقدر نحلها في وقت سريع وبدون ما تخسر جهازك أو ضمانه
خليك دايمًا مع Prink
خبراء الطابعات – الأحبار – الصيانة – وكل اللي يخص عالم الـ IT
